Prosiectau gorffennol - 2023

Yn dilyn ein gwaith ar y cyd â Gŵyl Chwedleua Beyond the Border, fe wnaethom gyflwyno’r Llwybrau Chwedleua Gwrth-hiliaeth yn ein cymuned. 
Arweiniwyd y tîm Llwybrau Chwedleua Gwrth-hiliaeth gan Bevin Magama, Duke Al Durham, Phil Okwedy, Ayisha De Lanerolle a Jafar Iqbal – rhaglen ddwy flynedd a wnaeth sicrhau bod chwedlau a lleisiau nad oeddynt wedi eu clywed o bob rhan o Gymru yn cael eu cynrychioli ac ymwreiddio ymarfer chwedleua gwrth-hiliaeth ar draws Cymru.

Derbyniodd y prosiect hwn gyllid o Gronfa Diwylliant, Treftadaeth a Chwaraeon Gwrth-hiliaeth Llywodraeth Cymru.

Cynhaliodd a threfnodd PSU ddiwrnod hwyl cymunedol i deuluoedd a phobl ifanc yn Danybanc ym mis Gorffennaf. 

Am yr ail flwyddyn yn olynol, roedd gan People Speak Up gae yn yr ŵyl chwedleua yn Llandeilo. Fe wnaethom greu rhaglen o storïau gan artistiaid gwadd yn ogystal â chreu llwyfan i’n cyfranogwyr a’r rhai oedd yn mynychu’r ŵyl i rannu storïau a cherddoriaeth gan Pod Siarad.

Roedd Clywch Ni yn brosiect dan arweiniad y byddar gan Jonny Cotsen mewn partneriaeth â Chanolfan Gelfyddydau Chapter. Roedd yn archwilio safbwyntiau pobl Fyddar a Thrwm eu Clyw yn gweithio yn y celfyddydau, a sut y maent yn gallu cael mynediad a chymorth i gynhyrchu’n greadigol. Nod y rhaglen oedd ail-ddychmygu’r perthnasau yn y sector celfyddydau, gan roi pobl Fyddar a Thrwm eu Clyw yn ganolog i gynhyrchu diwylliannol.

Ym Medi 2022, bu’r Mentor Creadigol Byddar, Cheryl Beer, yn gweithio gyda naw person Byddar creadigol o bob rhan o Gymru gan gofnodi straeon eu bywydau, cynnal sgyrsiau, a deall sut mae Byddardod wedi effeithio ar eu gyrfaoedd ym myd y celfyddydau. Bu hefyd yn archwilio dyheadau creadigol artistiaid Byddar a’u gobeithion am ddyfodol mwy teg.

“Roedd yn brofiad emosiynol cael clywed straeon bywydau pobl greadigol Fyddar eraill, yr heriau maen nhw wedi’u goresgyn, y ffyrdd mae’r celfyddydau a chreadigrwydd wedi, mewn llawer o ffyrdd, bod yn achubiaeth, ond yn bennaf, fe ges i fy ysbrydoli gan y cyfraniadau anhygoel mae pobl greadigol Fyddar yn eu gwneud, nid yn unig i gymuned y celfyddydau, ond er budd pawb”. 

Y Mentor Creadigol Byddar, Cheryl Beer

Ariennir y prosiect gan Gyngor Celfyddydau Cymru, Connect + Flourish dan arweiniad Canolfan Gelfyddydau Chapter.

Gan weithio gyda LocalMotion Caerfyrddin fe wnaethom redeg sesiynau yng Nghaerfyrddin i gofnodi sgyrsiau am Fuddsoddiad Cymdeithasol. Roeddem am gael gwybod sut y gallwn fuddsoddi yn ein cymuned, a grymuso trwy ffynnu a llwyddo. Cynhaliwyd sgyrsiau yn Yr Atom yng Nghaerfyrddin yn Awst 2023.

Cynhaliwyd gweithgareddau teulu am ddim Chwarae stryd ar draws y sir, gan roi adloniant i blant a theuluoedd a’u cadw oddi wrth y sgriniau yn ystod gwyliau hanner tymor yr hydref.

Unwaith y flwyddyn rydym yn ymuno â’r tîm Trawsnewid Tyisha i helpu i ddarparu’r digwyddiad i deuluoedd yn yr hydref. Rydym yn mynd â’n rhaglen Chwarae Stryd i Tyisha i wneud gweithgareddau Calan Gaeaf a chrefft.

Cynhaliwyd ein Diwrnod Rhyngwladol Menywod ym mis Mawrth gan gynnal digwyddiadau a gweithgareddau am ddim yn PSU gyda phwyslais ar iechyd a llesiant menywod.
Cefnogwyd y digwyddiad gan Gyngor Tref Llanelli, DPA Law, SNAP Fitness a Bwrdd Iechyd Hywel Dda.